"Adam lay i-bounde"

 

 

 

Adam lay i-bounde,

     Bounden in a bond;

Foure thousand wynter

     Thoghte he not too longe.

And al was for an appel,

     An appel that he took,

As clerkes fynden written

     In here book.

 

Ne hadde the appel take ben,

     The appel take ben,

Ne hadde nevere oure lady

     A ben hevenes quene.

Blessed be the tyme

     That appel take was—

There-fore we mowen synge

            “Deo gracias.”

 

 

                           —Anonymous  (c. 1430)

 

mowen=may

 

 

 

 

 

More Poetry....

 

 

 

Authors      Titles      First Lines

 

 

 

 

 

 

 

 

 

Normal 0 false false false MicrosoftInternetExplorer4